Debrúzome sobre a pantalla en branco e non sei se estaredes aí. Ou se nunca estivestes. Ou nunca estaredes. Tampouco sei se eu estou, ou estiven ou estarei. O que vos digo perdurará ou non.

Do único que estou seguro é de que transmito desde o único sitio enxoito do lugar. Estou rodeado de correntes subterráneas de auga e eu habito nun penedo seco. Un búnker desde onde resistir a indiferenza do mundo.