München 1972: a manta conmemorativa fora requisada. Aparecera en 1975 tapando tarecos na maleta descuberta dun Simca 1200 rancheira. Chegara allea ao Setembro Negro ao coche da familia.

Por unha cara traía cadros escoceses e pola outra un mapa de estradas de Europa. De nenos, no asento de atrás, tapabamos as canelas con ela e co dedo viaxabamos de Berna a París ou de Berlín a München. Onde estaban os aros conmemorativos da Olimpíada.

Esta manta foi pasando polos coches posteriores e meténdonos o vicio no corpo: caucho, mapas, coches, estradas…

Hai anos que a expropei para seguir viaxando por ela e ocultar as miñas intencións.