O poeta piloto dicía que a noite preparaba algún sofisma e o faro extraviado daba o S-O-S no morse -clave Orión- das estrelas. Eran as tres estrelas do cinto de Orión, o Cazador. Que persegue eternamente a súa ninfa polo ceo nocturno. Os tres puntos son o S en código morse que inicia o S-O-S ou orificios de bala de entrada e saída de Sectores de fogo. Iris acóllese ao sofisma de que a poesía nos salva. Un razoamento falso con aparencia de verdadeiro.